"Ez dago hartz zuri bat aurrez aurre izatean sentitzen dituzun indar eta hauskortasunarekin aldera daitekeenik." Karin Tuxen-Bettman, Google Earth Outreach.
Klima-aldaketa gero eta nabariagoa denez, hartz zuriak ingurumeneko aldaketak balioztatzeko barometrotzat hartzen dira. Lurra berotzearen eragina argi eta garbi ikus daiteke Churchillen (Kanada). Herri lasai hau Hudson badiaren mendebaldeko ertzean kokatuta dago. Bertan, hartz zuriak eta gizakiak elkarrekin bizi dira itsas izotza agertzen den arte; orduan, hartz zuriak badiara joan daitezke itsas txakurrak ehizatzera, hots, beren harrapakin nagusia.
Hilabete beroagoetan, izotza urtu egiten da eta hartz zuriek lehorreratu egin behar izaten dute. Klima-aldaketak pixkanakako prozesua irudi dezakeen arren, askotan hautematen ere zaila, eragina erreala eta agerikoa da hartz zuriaren hiriburuan. Churchillen, klima-aldaketaren ondorioz, badia denbora gutxiago egoten da izoztuta eta, beraz, hartz zurien ehizatzeko garaia gutxi gorabehera lau aste laburtu da.
Ibilaldi honetarako, izaki dotore hauen bizimodua aztertzen duen Polar Bears International (PBI) erakundeak Google gonbidatu zuen Kanadako Artikora, hartzen ezohiko irudiak biltzeko. Elkarrekin, PBIk, Earth Solidarioa taldeak eta Google Maps-ek Churchilleko eta Wapusk parke nazionaleko (eta inguruetako) Street View irudiak bildu dituzte eta, horrela, PBIren hezkuntza- eta dibulgazio-ahaleginak mundu osoko jendearengana zabaldu dira.
Street View bidez, tundrako bizimodua zerorrek bizi ahal izango duzu. Jarraitu irakurtzen hartzei eta beren habitatari, klima-aldaketaren ondorioei eta PBI hartz zuriaren kontserbazioaren alde egiten ari den lanari buruzko informazio gehiago eskuratzeko.
Irakurri gehiago
