Hego-mendebaldearen euskarria

Hermit eskistoa

Arroketako burdin oxidoak sortzen du hemen ikus dezakegun kolore gorri distiratsua. Esploratu Arroila Handia Street View zerbitzuan, burdin oxidoa eta ia beste 40 arroka-geruza sedimentario nagusi aurkitzeko.

Supai formazioa

Arroila Handiaren mendebaldean kareharria dago, bertan sakonera txikiko itsaso epel bat egon zela adierazten duena, eta ekialdean, berriz, ibai-delta lohitsu bat egongo zen ziur aski.

Tapeats hareharria

Tapeats hareharrian itsasoko eta bestelako animalien fosilak eta arrastoak aurkitu dituzte.

Nankoweap bihitegiak

Antzinako Anasazi komunitateak haziak gordetzeko, izurriteetatik babesteko eta ez usteltzeko erabiltzen zituzten bihitegiok.

Vulkanoren ingudea

Duela ehunka mila urte, laba basaltikoko koladek gutxienez 13 aldiz presatu zuten Colorado ibaia eta aztarna bolkanikoak sortu zituzten, besteak beste, Vulkanoren ingudea.

Hondarrezko sedimentuak

Gaur egun, Mead lakuak ibaiaren behealdea hartzen du eta garai bateko ur-lasterrak estali eta ertzetan hondarrezko sedimentu ugari uzten ditu.

Mufloi kanadarra

Mufloi kanadarrak arraren adar luze eta kurbatuei zor die izena, eta, batzuetan, ibaiaren ertzetan ikus daiteke.

Nabigatu Colorado ibaian zehar

Arakatu 360°-ko irudi panoramiko gehiago Views zerbitzuan

Amerikako ibairik mehatxatuena

Argazkiaren egilea: Paxson Woelber

6 milioi urteko sortze-prozesua

Colorado ibaiak 6 milioi urte baino gehiago daramatza Lurrean bere lekua egiten. 2.320 kilometro luze da, Coloradoko Mendi Harritsuetatik Mexikon dagoen Kaliforniako golkoraino. Colorado ibaia Ameriketako Estatu Batuetako mendebalde idorraren euskarri gisa erabiltzen da. 7 estatu, 2 herrialde eta 9 parke nazional zeharkatzen ditu eta, berari esker, 36 milioi pertsona eta galzorian dauden hainbat espezie elikatzen dira. Milioika pertsona ibaiaren menpe daude ureztaketa-lanak egiteko eta ur-hornidura eta energia hidroelektrikoa izateko. Hala ere, gehiegizko ur-kontsumoak eta kudeaketa-sistema zaharkituak Colorado ibaia arriskuan jarri dute.
Argazkiaren egilea: Peter McBride

Ibai mehatxatua

Colorado ibaia munduan gehien presatu, desbideratu eta zundatutako ibaietako bat da; Kaliforniako golkora, Mexikora, iristen denerako, hainbeste ur hartu zaio, ezen ibaia lehortu egiten baita. Hori guztia dela eta, American Rivers erakundeak Amerikako ibairik mehatxatuena izendatu zuen 2013an. Klima-aldaketak eta biztanleriaren hazkundeak eragina dute ibaiaren gainbeheran, baina mehatxurik handiena ura kudeatzeko sistema zaharkitua da. Ur gehiegi banatzen da. Tasa hori kontuan hartuta, ez dago ur nahikoa horren menpe dauden pertsona, animalia eta ekintza guztiei eusteko. Colorado ibaia arrisku larrian dago eta aisialdian oinarritutako ekonomia, ur-hornidura eta faunaren habitata hari batean daude. Informazio gehiago lortzeko, joan American Rivers erakundearen webgunera.
Lagundu ibaiari irauten

Elkarlanean, Google Maps-ek eta American Rivers erakundeak Colorado ibaia Street View zerbitzuan jarri dute. Murgildu 360°-ko irudietan Powell lakutik Mead lakura ibaian zehar nabigatzeko eta ibaitik Arroila Handiko parke nazionalaren hedadura osoa ikusteko. Nabigatu 446 km ur hotzetan edo egin txangoa albo-arroilen horma gorri aberatsetan sortutako 5 bideetako batetik. Gure lankidetzari esker, Colorado ibaia Street View-en ikusgai egongo da, baina arriskuan dagoen ibai hau epe luzera nola babestu eta leheneratu jakin nahi izanez gero, joan American Rivers erakundearen webgunera.

6 milioi urteko sortze-prozesua Ibai mehatxatua Lagundu ibaiari irauten

Esploratu Colorado ibaia

Ezagutu Colorado ibaiko Trekker-ak

American Rivers

American Rivers erakundeak ur-lasterrak babestu eta kaltetutako ibaiak leheneratzen ditu eta ur garbia zaintzen du bai jendeak bai naturak erabiltzeko. 1973tik, ibai-sarearen 240.000 km baino gehiago babestu ditu sentsibilizazio-ahaleginen, landa-proiektuen eta America's Most Endangered Rivers® urteroko kanpainaren bidez. Laguntzeko, joan hona: www.AmericanRivers.org/Colorado

Google Earth Solidarioa taldea

Google Earth Outreach Google-ren programa bat da, munduko irabazi-asmorik gabeko eta onura publikorako erakundeei Google Earth-en eta Google Maps-en ahalmena baliatzen laguntzeko diseinatua, hainbat arlotan, esate baterako, ingurumenean, kulturen babesean, lan humanitarioan etab. egiten duten lan garrantzitsua erakutsi eta defenda dezaten.

Arakatu Colorado ibaiaren ikuspegi gehiago

Arakatu Street View erabiliz